GIPASALIGAN sa mga tigpasiugda sa bag-o lang nahuman nga Ironman 70.3 triathlon event si Gob. Hilario Davide III nga ang Sugbo gihapon maoy ilang gitan-aw nga host o lugar sa susama nilang kalihukan sa sunod tuig.
Ang organizers sa Ironman ug ang event sponsors niini, nagpinirmahay og kasabutan nga magsiguro nga ang Sugbo maoy mo-host sa kompetisyon hangtod sa tuig 2020.
Kini bisan pa man sa nasugatan nga kakulian sa rota sa Ironman karong tuiga diin duha ka mga lokalidad sa Sugbo ang ningbalibad nga maagi-an ang ilang lugar sa lumba.
Human sa malampuson nga pagpahigayon sa kompetisyon niadtong Domingo, gitug-an ni Davide nga nag-istorya sila mismo sa mga organizer.
Unang nibalibad si Cebu City Mayor Tomas Osmeña nga magamit isip kabahin sa rota sa bike leg ang South Road Properties (SRP) tungod sa trapik nga posibleng ibunga niini sa ubang dapit sa dakbayan.
Dihang giplanuhan ang paghimo sa kadalanan sa amihanang Sugbo nga rota, nibalibad usab si Liloan Mayor Christina Frasco sanglit moresulta man kini sa pagkatanggong sa iyang mga konstituwente ug uban pang taga-norte, nunot sa road closure.
Sigun ni Davide, ang mga organizer ug mismo ang mga atleta ang kinahanglang mo-adjust kon ugaling subling mahitabo ang maong kakulian.
Masaligon ang gobernador nga dili na makasugat og mga kakulian ang posibleng pagpahigayon na usab sa Ironman dinhi sa Sugbo sunod tuig ug mas maandam na sa pag-host niini ang mga lokalidad dinhi sa Sugbo.
Naglaum si Davide nga mahuman na ang underpass project sa Mambaling sa dakbayan sa Sugbo aron dunay alternatibong agianan ang mga padulong ug gikan sa habagatang Sugbo, kon ugaling mapagamit na ang SRP sa Ironman. AZDL
Ang organizers sa Ironman ug ang event sponsors niini, nagpinirmahay og kasabutan nga magsiguro nga ang Sugbo maoy mo-host sa kompetisyon hangtod sa tuig 2020.
Kini bisan pa man sa nasugatan nga kakulian sa rota sa Ironman karong tuiga diin duha ka mga lokalidad sa Sugbo ang ningbalibad nga maagi-an ang ilang lugar sa lumba.
Human sa malampuson nga pagpahigayon sa kompetisyon niadtong Domingo, gitug-an ni Davide nga nag-istorya sila mismo sa mga organizer.
Unang nibalibad si Cebu City Mayor Tomas Osmeña nga magamit isip kabahin sa rota sa bike leg ang South Road Properties (SRP) tungod sa trapik nga posibleng ibunga niini sa ubang dapit sa dakbayan.
Dihang giplanuhan ang paghimo sa kadalanan sa amihanang Sugbo nga rota, nibalibad usab si Liloan Mayor Christina Frasco sanglit moresulta man kini sa pagkatanggong sa iyang mga konstituwente ug uban pang taga-norte, nunot sa road closure.
Sigun ni Davide, ang mga organizer ug mismo ang mga atleta ang kinahanglang mo-adjust kon ugaling subling mahitabo ang maong kakulian.
Masaligon ang gobernador nga dili na makasugat og mga kakulian ang posibleng pagpahigayon na usab sa Ironman dinhi sa Sugbo sunod tuig ug mas maandam na sa pag-host niini ang mga lokalidad dinhi sa Sugbo.
Naglaum si Davide nga mahuman na ang underpass project sa Mambaling sa dakbayan sa Sugbo aron dunay alternatibong agianan ang mga padulong ug gikan sa habagatang Sugbo, kon ugaling mapagamit na ang SRP sa Ironman. AZDL
No comments:
Post a Comment